Куннинг маълум вақтларида такси хизматларига йўловчи ташиш учун рухсат берилди

30 апрелдан бошлаб Республика махсус комиссияси қарори билан карантин чекловлари юмшатилди.

Хусусан, фуқароларга  иш жойига бориб келиши, тиббий буюмлар, дори воситалари, озиқ-овқат ва биринчи навбатда зарур бўлган маҳсулотларни харид қилиш учун соат 07:00 дан 10:00 га ҳамда 17:00 дан 20:00 га қадарбарча турдаги шахсий ва хизмат енгил автотранспорт воситалари махсус рухсатномасиз ҳаракатланишга рухсат берилди.

Ички ишлар вазирлиги матбуот хизматининг "Газета.uz" га тасдиқлаган маълумотга кўра, чекловлар юмшатилиши такси хизматларига ҳам тааллуқли. Бунда ИИВ такси хизматларини карантин тадбирларига қатъий риоя қилган ҳолда ва куннинг маълум вақтларида ўз фаолиятини қайта тиклашга чақиради.