Владимир Путин тарихий ўзгариш қилиши кутилмоқда

2022-09-29 16:15 77 959

Владимир Путин эртага, 30 сентябрь куни Кремльда Россияга янги ҳудудларнинг қўшилиши бўйича шартномаларни имзолаш маросимида иштирок этади. Бу ҳақда президент матбуот котиби Дмитрий Песков хабар бермоқда.

“Эртага соат 15:00 (Тошкент вақти билан 17:00)да Кремль саройида, Георгий залида Россия Федерацияси таркибига янги ҳудудларнинг кириши тўғрисидаги битимларни имзолаш маросими бўлиб ўтади. Ушбу тадбирда Президент Путиннинг катта ҳажмдаги нутқи бўлади”, — деди Песков.

Унинг таъкидлашича, бу президентнинг Федерал Мажлисга юборган мурожаатидан фарқли формат бўлади.

Эслатиб ўтамиз, 23-27 сентябрь кунлари Донецк ва Луганск халқ республикалари, шунингдек, Херсон ва Запорожье вилоятларида Россия таркибига қўшилиш масаласи бўйича референдумлар ўтказилди.

ДХРда 100 фоиз бюллетенларни қайта ишлаш натижаларига кўра, Россияга қўшилиш учун овоз берганларнинг 99,23 фоизи, ЛХРда 98,42 фоизи, Херсон вилоятида 87,05 фоизи, Запорожье вилоятида 93,11 фоизи овоз берган.

2022-09-29 16:15 77 959