Наманган вилояти ИИБга янги раҳбар тайинланди

Бугун Наманган вилояти ҳокимлиги мажлислар залида йиғилиш бўлиб ўтди. Унда ташкилий масала кўриб чиқилди.

Ички ишлар вазирининг буйруғи билан Самарқанд вилоят Ички ишлар бошқармасига раҳбарлик қилиб келган Раҳмонов Шавкат Наврўзович Наманган вилояти ички ишлар бошқармаси бошлиғи лавозимига тайинланди.
Атаходжаев Адил Иргашевич вилоят ИИБ бошлиғи лавозимидан озод этилди.

Йиғилишда Ўзбекистон Республикаси Ички ишлар Вазири, генерал-лейтенант Пўлат Бобожонов иштирок этди ва сўзга чиқди.