Ўзбекистон Республикаси ИИВ Йўл ҳаракати хавфсизлиги бош бошқармаси йўл ҳаракати иштирокчиларига огоҳлантириш билан чиқди.
“Шу кунларда республикамиз ҳудудида об-ҳаво ўзгариб, ёғингарчиликлар кузатилмоқда. Айрим ҳудудларда эса қалин туман тушиши оқибатида автомобиль йўлларида кўриниш чекланмоқда. Бу эса йўл ҳаракати қатнашчилари учун бир қатор ноқулайликларни келтириб чиқариши, йўл-транспорт ҳодисалари содир этилишига сабаб бўлиши мумкин.
Биз барча ҳайдовчилардан транспорт воситасини бошқариш пайтида мураккаб об-ҳаво шароитини, айниқса туман тушганлигини ҳисобга олишларини, зарурат бўлмаганда тунги вақтларда ҳаракатланмасликни, айниқса тезлик талабларига қатъий амал қилишларини, пиёдалардан йўлни кесиб ўтишда ўта ҳушёр бўлишларини, катталардан йўлларда болаларнинг ҳаракатини назоратга олишларини сўраймиз”, дейилади унда.
Эслатиб ўтамиз, 12 декабрь куни Наманган ва Фарғона аэропортларидаги ноқулай об-ҳаво шароити (кучли туман) сабабли бу шаҳарларга парвоз қилган қатор самолётлар Тошкент халқаро аэропортига қўнишга мажбур бўлгани хабар қилинганди.
Об-ҳаво маълумотига кўра, 13 декабрь куни ҳам республиканинг айрим жойларида ёғингарчилик бўлиши ва туман тушиши кутилмоқда.
Тасодифий хабарлар
Fuqarolarni paxta terimiga majburan jalb etgan Bog‘ot tumani hokimi jarimaga tortildi
Атамбоев ҳибсхонада қандай шароитда сақланаётгани айтилди
Наманганда бир кечада иккита ЙТҲда 4 киши вафот этди
"ELSE TEA" ва "JESCO" савдо белгилари Коронавирусга қарши кураш хайрия ишларига 1 миллиард сўм маблағ ажратилиши режалаштирганини маълум қилган эди. Ушбу режа тўлиқ бажарилиб янги хайрия режаси 1 миллиард 385 миллион сўм этиб режалаштирилди
Москвада Президентлардан олдин вазирлар учрашди