Бугун Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев иштирокида брифинг бўлиб ўтди.
Унда маълум қилинишича, мамлакатимизда ҳар куни 20-40 кишида коронавирус аниқланмоқда. Таҳлилларга кўра, охирги 3-4 ҳафтада касалланиш кўрсаткичи бирмунча пасайган.
Ҳозирда иккита асосий йўналишда иш олиб бориляпти:
1) эмлаш жараёнини ташкил этиш. Бунда моддий-техника базаси, кадрлар салоҳияти ва музлаткич занжирини сақлаш масаласи кўзда тутилган;
2) вакциналарни харид қилиш.
3168 та эмлаш пункти ва 860 дан зиёд мобил бригада ташкил этилган. Бу йўналишда зарур воситалар учун 6 миллиард сўмдан зиёд маблағ ажратилган ва харид жараёнлари амалга оширилмоқда.
10 минг нафардан ортиқ вакцинатор, патронаж ҳамширалари, 33 минг нафардан ортиқ шифокор эмлаш жараёнига тайёргарлик кўришган.
Маълумот учун Ўзбекистонда бугунга қадар 80 мингга яқин киши ушбу инфекцияга чалинган, улардан 99 %и даволанган ва қолган қисми, яъни 622 киши вафот этган.
Тасодифий хабарлар
2020 йилда ЙТҲларда қанча одам вафот этгани маълум қилинди
"Талабчанлик, эҳтиёткорлик ва ҳушёрлик турмуш тарзимизга айлансин!"
Тошкентдаги фоторадарлар жойи эълон қилинди (тўлиқ рўйхат)
Янги йилни илк кунида 33 ёшли маст ҳайдовчи бу дунёни тарк этди
Бухорода қалбаки пул ясаб келган 4 нафар шахс қўлга олинди