Наманган вилояти Давлатобод туманида таълим муассасаларига иситиш қозонлари етказиб бериш учун ажратилган 1 млрд сўм бюджет маблағлари талон-торож қилингани аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Қайд этилишича, департаментнинг Наманган вилояти бошқармаси томонидан ўтказилган терговга қадар текширувда Давлатобод тумани ММТБ масъул шахслари ва бошқалар ўзаро тил бириктиргани аниқланган.
Улар таълим муассасаларига иситиш қозони етказиб бериш бўйича тузилган шартномага кўра “ABS” русумли иситиш қозонларини сотиб олиши лозим бўлган. Бироқ амалда “LES” русумли иситиш қозонлари харид қилинган. Оқибатда 1 млрд сўм бюджет маблағи ўзлаштириш ёки растрата йўли билан талон-торож қилинган.
Билдирилишича, мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилган. Ҳозирда тергов ҳаракатлари олиб борилмоқда.
Тасодифий хабарлар
Финландияда руслар қурган қалъа 1 еврога сотилди
200 кВтгача бўлган меъёр миқдори оширилишига асос йўқ — Энергетика вазирлиги
Шавкат Мирзиёев Туркий кенгаш бош котибини қабул қилди
Наманган шаҳрида қўшмачилик ва фохишахона фаолияти билан шуғулланиб юрган шахслар аниқланди
Карантин марказида 42 ёшли фуқаро ўзини осди, ҳолат юзасидан Бош прокуратура баёнот берди