Ўзбекистонда коронавирусга қарши курашиш учун кореялик мутахассис иш бошлади

Ўзбекистонда коронавирусга қарши курашиш мақсадида мамлакатимизда кореялик мутахассис иш бошлади.

ССВнинг хабар қилишича, Корё университети профессори, Корея тиббиёт ассоциацияси илмий-текшириш қўмитаси раиси, ушбу ассоциациянинг коронавирусга қарши курашиш бўйича штаби етакчи маслаҳатчиси Цой Чже Ук бугундан бошлаб юртимизда Соғлиқни сақлаш вазирлиги мутахассислари билан ҳамкорликда ўз фаолиятини бошлади.

Кореялик мутахассис билан ҳамкорликда касаланганларни тезроқ тузатиш йўлида ишлатиладиган юқори тиббий технологиялардан унумли фойдаланишни янада кучайтиришга ҳам алоҳида эътибор қаратиш кўзда тутилган.