“Интер Майами”нинг бизнес операциялари бўйича президенти Хавьер Асенси ҳужумчи Лионель Месси футболчилик фаолиятини якунлаганидан сўнг, клубда қандай мақомга эга бўлиши мумкинлиги ҳақида гапирди. Бу ҳақда Асенси “Marca” нашрига берган интервьюсида сўз очди.
“Бир кун келиб Месси футбол ўйнамай қўяди. Бу ҳақда гапириш оғриқли, аммо ҳақиқат шуки, у яна 15 йил ўйнай олмайди. Леодан кейинги давр ҳақида ўйламаслик аҳмоқлик бўларди. Аммо у ўйнашни истар экан, ўйнашда давом этсин. У бошқалардан кўра, фаолиятини қачон якунлашини ўзи ҳал қилиш ҳуқуқига эга”, дейди Асенси.
“Интер Майами” раҳбарининг сўзларига кўра, Месси фаолиятини якунлаганидан кейин ҳам ўзини “Интер Майами”га бағишлаш имкониятига эга бўлади.
“Амалдаги регламентга кўра, у ҳозир клуб эгаларидан бири бўла олмайди, чунки MLS қоидалари бунга йўл қўймайди. Бироқ у футбол ўйнашни тўхтатиши биланоқ “Интер Майами” акциядорларидан бирига айланади”, дейди Асенси.
Маълумот учун, 38 ёшли Месси “Интер Майами” сафида 2023 йилдан буён тўп тепиб келмоқда.
Тасодифий хабарлар
Айрим шифокорларнинг маоши оширилади
“Шу етмай турувди”: 5 августда Ерга улкан астероид яқинлашади
Ўртаер денгизи суви ғайритабиий тарзда исиб кетди
Қашқадарёда МИБ ходимлари аёвсиз дўппослангани айтилмоқда (видео)
Ўзбекистонда долларнинг расмий курси кўтарилди