Ўзбекистон Ички ишлар тизимидаги вазни белгиланган меъёрдан ортиқ ходимларга жавоб берворилиши мумкин. Бу ҳақда вазирлик бўлим бошлиғи Фарид Абдиевга асосланиб, «Sof.uz» маълум қилди.
Абдиевга кўра, тизимдаги вазни белгиланган нормадан ортиқча бўлган ходимлар алоҳида рўйхатга олинган. Шунингдек, уларга ўз вазни устида ишлашлари учун барча керакли шароитлар яратилиб, ҳар бири огоҳлантирилган. Тиббий муассасалар томонидан тиббий йўналиш ва овқатланиш бўйича тавсиялар берилган. Бундан ташқари, касбий ва жисмоний тайёргарлик бўйича ушбу кадрлар билан алоҳида машқлар ўтказилган.
«Ўз устида ишламаган ва ортиқча вазнини етарли меъёрга туширмаган ходимлар янги йил чорагида аттестациядан ўтказилади ва уларнинг Ички ишлар тизимида ўз фаолиятини давом эттириш ёки давом эттирмаслик масаласи ҳал этилади», — деди Абдиев.
Маълум қилинишича, кейинги 2020 йилнинг биринчи чораги давомида асосий хизматлар, хусусан, ЙПХ тизимларида аттестация ўтказилади.
Тасодифий хабарлар
Вилоят ҳокими Россиядаги меҳнат мигрантлари ҳузурида
Прокурор ташаббуси билан зиёратгоҳ кайта тикланди.
Бухорода ЙТҲ. 3 киши вафот етди
“Узр, ўғлингизни кислотада эритиб юбордик”. Мафия адашиб ўлдирган қурбонининг ота-онасига товон пули таклиф қилди
Мурод Хонтўраевни пичоқлаган шахсларга суд ҳукми эълон қилинди