Хитойнинг FAST радиотелескопи коинотнинг узоқ ҳудудидан келган ғайриоддий радио сигнални қайд этди. Ҳолат Ердан ташқари цивилизациялар мавжудлигини ўрганувчи олимларда қизиқиш уйғотмоқда. Бу ҳақда “Daily Mail” нашри хабар берди.
Манбага кўра, сигнал 2021 йилда ёзиб олинган, бироқ унинг таҳлил натижалари яқинда эълон қилинган. NBS 260108 деб номланган радиосигнал вақт ўтиши билан бир маромда ўзгариб турган ягона частотали барқарор оҳангдан иборат бўлган. Бундай хусусиятлар табиий жараёнлар натижасида юзага келадиган сигналлар учун одатий эмас. Шу сабабли, унинг сунъий келиб чиқиш эҳтимоли ҳам ўрганилмоқда.
Нашрга кўра, сигнал Ердан 238 ёруғлик йили узоқликда жойлашган K2-155 юлдуз тизимини кузатиш жараёнида аниқланган. Ушбу тизимда учта супер Ер мавжуд бўлиб, уларнинг бири юлдузнинг яшаш учун қулай ҳудуди яқинида жойлашган деб ҳисобланади.
Тадқиқот давомида аниқланган сигналнинг частотаси вақт ўтиши билан аста-секин пасайиб борган. Бу узоқдаги радиоузатгичнинг Ерга нисбатан ҳаракати натижасида юзага келиши мумкин бўлган частота силжишига ўхшайди.
Эътиборлиси, сигнал FAST телескопининг 19 та қабул қилувчи нуридан фақат биттасида – айнан K2-155 юлдузига йўналтирилган қисмида қайд этилган. Қолган 18 та нур эса мос келадиган сигнални аниқламаган. Ушбу тадқиқот натижалари “The Astronomical Journal” илмий журналида чоп этилган.
Тасодифий хабарлар
Хоразмда 20 ёшли қиз “самосуд” қилинди
Тошкентда вояга етмаганларнинг жасади ички органи бўлмаган ҳолатда топилаётгани ростми? ИИББ бунга жавоб берди
ДХХ ноқонуний диний таълим бериш ҳолатига чек қўйди
Аҳоли бандлигини таъминлаш бўйича қўшимча чора-тадбирлар - Президент қарори лойиҳаси
Диққат! Туркияда бўлиб турган ёки бормоқчи бўлганлар, эътиборли бўлинг!