Кеча, 19 август куни Тошкент шаҳар Учтепа туманида қарздор ота 2,4 млрд сўм миқдоридаги алимент пулларини олдиндан тўлади. Бу ҳақда Мажбурий ижро бюроси матбуот хизмати хабар берди.
Қайд этилишича, суднинг буйруғига асосан қарздор Ш.Ж.дан ундирувчи Ш.Д. фойдасига вояга етмаган 4 нафар фарзанди таъминоти учун ½ қисми миқдорида алимент ундириш ҳақидаги ижро ҳужжати бюронинг Учтепа туман бўлимига келиб тушган ва ижро иши юритишни қўзғатиш тўғрисида қарор қабул қилинган.
Шунингдек, қарздорнинг номига расмийлаштирилган мол-мулкларни аниқлаш мақсадида ваколатли органларга сўровномалар юборилган. Олинган жавоб хатларга кўра, қарздорнинг номига расмийлаштирилган мол-мулклари қайд этилмаган.
Ўтказилган ижро ҳаракатлар давомида қарздор Ш.Ж. вояга етмаган 4 нафар фарзанди таъминоти учун улар то вояга етгунига қадар олдиндан тўланадиган алимент миқдорини ҳисоблаб беришни сўраб, ариза билан мурожаат қилган.
Шунга кўра, алимент қарздорнинг иш ҳақи ва бошқа даромадларининг 50 фоизи миқдорида жорий йилнинг 1 августидан 2041 йилнинг 1 апрелига қадар (16 йиллик) жами 2 млрд 442 млн 482 минг 580 сўм ҳисобланган.
Олиб борилган ижро ҳаракатлар давомида қарздор Ш.Ж. томонидан жами 2 млрд 442 млн 482 минг 580 сўм миқдорида алимент пуллари уй кўринишида ундирувчи Ш.Д.га ўтказиб берилган ҳамда ундирувчининг розилигига асосан ижро ҳужжати амалда тамомланган.
Тасодифий хабарлар
Бўлакларга бўлиниб ёқиб юборилган аёлнинг қотиллари қўлга олинди
Қозоғистон: Маъмуржон домла озодликка чиқди
“Омикрон” штамми дунёнинг 77 мамлакатида аниқланди
Чет элда ўзбекистонлик ўсмирнинг аёвсиз калтаклангани айтилмоқда (видео)
Шавкат Мирзиёев Москвага етиб борди