Европа етакчилари сиёсатга қайтишимни сўрашяпти – Байден

АҚШнинг собиқ президенти Жо Байденнинг айтишича, Европа етакчилари ва расмийлари унга тез-тез қўнғироқ қилиб, Қўшма Штатлар сиёсий ҳаётида фаолроқ иштирок этишини сўрашади. Бу ҳақда собиқ президент Сан-Диегода (Калифорния штати) Society for Human Resource Management нотижорат ташкилотининг қурултойида айтди.

“Менга қўнғироқ қилишяпти, лекин мен АҚШ сиёсатига қайтмоқчи эмасман. Бир қатор Европа етакчилари мендан қайтишимни сўраяпти, лекин мен буни қилмайман”, деди у.

Байден, шунингдек, Қўшма Штатлардаги кўплаб демократлар ва республикачилар билан алоқада эканини таъкидлаб, ўзлари уни учрашувларга таклиф қилишларини ва маслаҳат сўрашларини қўшимча қилди.

Қолаверса, у “шу йилнинг март ойида” нашр этилиши керак бўлган хотираларини тез орада якунлаш учун жонини жабборга бериб ишлаётганини айтди.

Маълумот учун, Жо Байден 2021-2025 йилларда АҚШни бошқарган 46-президент. У Демократик партиядан сайланган. Байден 2009 йилдан 2017 йилгача президент Барак Обама даврида 47-вице-президент лавозимида ишлаган. 1972 йилдан 2009 йилгача эса АҚШ Сенатида Делавэр штатидан вакиллик қилган.