Наманган, Тошкент ва Сирдарё вилоятлари ҳудуди чегараси ўзгаради

Бу ҳақда Халқ депутатлари Тошкент вилояти кенгашининг сессиясида Кадастр агентлигининг Тошкент вилояти бошқармаси томонидан таклиф этилган қарор тақдимотида маълум қилинган.

Лойиҳада қуйидаги ўзгаришлар таклиф қилиняпти:

- Сирдарё вилоятининг 5 та( Сирдарё, Сайхунобод, Гулистон, Боёвут туманлари ҳамда Ширин шаҳри) ҳудудидан 310,4 гектар ер майдони Тошкент вилояти ҳудудига ўтказилиши;

- Тошкент вилоятининг 6 та( Чиноз, Қуйи Чирчиқ, Оққўрғон, Бўка, Бекобод туманлари ва Бекобод шаҳри) ҳудудидан 347,2 гектар ер майдони Сирдарё вилояти ҳудудига ўтказилиши; 

- Наманган вилоятининг Поп тумани ҳудудидан жами 38,8 гектар ер майдони Тошкент вилояти ҳудудига ўтказилиши;

- Тошкент вилоятининг Оҳангарон тумани ҳудудидан жами 26,3 гектар ер майдони Наманган вилояти ҳудудига ўтказилиши.