Ҳиндистон ҳукумати мамлакатнинг инглиз тилидаги номини Бҳарат (ҳиндча номи)га ўзгартириши мумкин. Бу масала парламентнинг сентябрь ойида бўлиб ўтадиган навбатдан ташқари сессиясида кўриб чиқилиши режалаштирилган. Бу ҳақда “The Economic Times” хабар берди.
Ҳиндистон Конституциясига кўра, унинг расмий тиллари инглиз ва ҳинд тиллари бўлиб, инглиз тилида мамлакат Ҳиндистон (India), ҳинд тилида эса Бҳарат деб аталади. Номини ўзгартириш тўғрисидаги резолюцияни қабул қилиш учун Ҳиндистон ҳукумати парламентнинг ҳар икки палатасида ҳам кўпчилик овозга эга бўлиши керак. Ҳужжат қабул қилинганидан сўнг, ҳукумат конституцияга инглиз тилидаги версиясида “Ҳиндистон ҳукумати” деган сўзни ўз ичига олган камида ўнта жойда тузатишлар киритиши керак.
“Ҳиндистон Президенти” эмас, балки “Бҳарат Президенти” атамаси биринчи марта Президент Драупади Мурму номидан G20 етакчиларига юборилган кечки овқат таклифида ишлатилган. Парламент ишлари вазири Пралхад Жоши Нью-Деҳлида парламентнинг беш кунлик махсус сессияси жорий йилнинг 18-22 сентябрь кунлари бўлиб ўтишини маълум қилган.
Тасодифий хабарлар
Доллар курси бир неча соат ичида кескин ошди
Канадада Ўзбекистонлик оила ўз шахсий самолётида ҳалокатга учради
Namangandagi xonadonda gaz portladi. Bir kishi shifoxonaga olib ketildi
Хушхабар! Хотин-қизларга таълим кредитлари ажратилади
Қирғизистон Республикаси Президенти ўз уйини муҳтож оилаларга берди