Аввалроқ ижтимоий тармоқларда Ўзбекистон, Қирғизистон ва Тожикистоннинг Россиядаги фуқаролари мажбурий тарзда ҳарбий хизматга чақирилиши ҳақидаги хабар тарқалганди. Бунга Россия Ички ишлар вазири имзоси билан тасдиқланган буйруқ суратлари сабаб бўлганди.
Россиянинг Ўзбекистондаги элчихонаси мазкур хабарларга муносабат билдириб, уни “фейк” деб атади.
“Россия Федерацияси Ички ишлар вазирлигининг сохта буйруғига таяниб, Россияда вақтинча бўлиб турган Ўзбекистон, Тожикистон ва Қирғизистон фуқаролари қисман сафарбар қилиниши, агар шартнома тузишдан бош тортса, гўёки уларнинг ишлашга рухсатномалари бекор қилиниши ва депортация қилиниши ҳақидаги нотўғри хабарлар тарқатилмоқда.
Россия Федерацияси ҳудудида бўлиб турган Ўзбекистон фуқароларини турли даъватларга эргашмасликка, фақат расмий маълумотларга эътибор қаратишга чақирамиз”, дейилади дипломатик миссия хабарида.
Қайд этиш керакки, сурати тарқалган ҳужжатда мигрантларни ҳарбий хизматга жалб қилиш, улар буни рад этса, уларнинг ишлаш рухсатномасини бекор қилиб, мамлакатдан чиқариб юбориш ҳақида сўз борган.
Тасодифий хабарлар
2,5 гектар ерни 82,5 минг долларга пулламоқчи бўлганлар аниқланди
Шавкат Мирзиёев Сурхондарёга жўнаб кетди
Вазият таранглашганда Путин қайси ядровий қуролларини синовдан ўтказди?
Дам олиш кунлари об-ҳаво қандай бўлиши айтилди
Дубайда куб шаклдаги замонавий масжид очилди