Интернетда икки фуқаронинг полиция ходимлари томонидан калтаклангани ҳақида маълумотлар тарқалмоқда. ИИВ матбуот котиби Шоҳрух Ғиёсов бу воқеага ойдинлик киритди.
"Мазкур факт атрофидаги гап-сўзларга чек қўйиш мақсадида жорий йилнинг 8 июнь куни пойтахтимизнинг Мирзо Улуғбек туманидаги ички ишлар органлари ходимлари томонидан фуқароларнинг шахсини аниқлаш зарурати туғилганини маълум қиламиз. Бунга фуқароларнинг Соат 02.30 атрофида гиёҳвандлик воситаларини жойлаштиришга алоқадорликда гумон қилиниб, профилактика назоратини бузганликлари сабаб бўлган.
Фуқаролар бошиданоқ ўзини ноўрин тутган, ички ишлар органлари ходимларининг ҳаракатларига фаол қаршилик кўрсатган.
Кейинчалик айрим оммавий ахборот воситалари томонидан воқеаларнинг бирёқлама талқин қилиниши, шунингдек, мақолаларда ёшларнинг саргузаштлари “ранг-баранг” тасвирлангани сабабли ижтимоий тармоқларда турли миллатчилик руҳидаги баёнот ва мулоҳазалар тарқала бошлади.
Эслатиб ўтамиз, бу алоҳида жамоатчилик вакиллари томонидан миллий адоватни сунъий равишда қўзғатишга уринишларнинг биринчи ҳолати эмас. Биз бу салбий тенденцияни кузатиб борамиз ва айрим салбий фикрдаги фуқароларнинг миллатчилик туйғуларини қўзғатиб, жамоатчиликка босим ўтказишига йўл қўймаслигимиздан огоҳлантирамиз.
Тергов ушбу фуқаролар тасвирланган тан жароҳатларини қаерда ва қандай шароитда олган бўлиши мумкинлигини ҳозирча аниқламаган. Оммавий ахборот воситалари ва ижтимоий тармоқ фаолларидан ҳуқуқ-тартибот идоралари ходимлари ва фуқароларнинг ҳаракатларига ҳуқуқий баҳо берилишини кутишларини сўраймиз", деб ёзади Ғиёсов.
Тасодифий хабарлар
Кун фотоси: Наманган вилояти ҳокимининг вақтинчалик уйи деярли тайёр бўлди
Биткоин қиймати 89 минг доллардан ошди
Ешак гўшти сотган шахсга суд ҳукми ўқилди
Алмазбек Атамбаев ҳибсга олинди
Қирғизистонда бугуннинг ўзида 26 нафар одам коронавирусга чалинди