Судан ғарбидаги Дарфур минтақасида жорий йилнинг октябрь ойидан бери давом этаётган қуролли тўқнашувлар оқибатида ҳозиргача 199 киши ҳалок бўлди. Бу ҳақда “Anadolu” агентлиги хабар берди.
Судан Тиббиёт қўмитаси берган маълумотга кўра, қабилалараро тўқнашувлар Ғарбий Дарфур, Марказий Дарфур ва Жанубий Дарфур провинцияларида содир бўлмоқда.
Қўмита минтақадаги шифохоналарда ўлим ҳолатларининг фақат расмий сони қайд этилгани, қурбонларнинг ҳақиқий сони эса бундан ҳам кўп бўлиши мумкинлигини таъкидлади.
Ташкилотнинг қайд этишича, ўлганларнинг бир қисмини хавфсизлик нуқтаи назаридан тўқнашув майдонидан олиб чиқиб бўлмайди.
Дарфур можароси Суданнинг Дарфур минтақасидаги миллатлараро можаро бўлиб, марказий ҳукумат, ҳукуматпараст араб “Жанжавид” гуруҳлари ва маҳаллий негроидлар исёнчи гуруҳлари ўртасидаги қуролли тўқнашув ҳисобланади.
Тасодифий хабарлар
Наманганда Форобийнинг китоби ва Амир Темур аскарининг қиличи топилди
Президент Бухорога жўнаб кетди
Тўқаев намойишчиларни огоҳлантирмасдан отишга буйруқ берди
Ўзи ижрочи, ўзи депутатлар бошлиғи, ўзи қонун чиқарувчи – Кушербоев ҳокимлар ҳақида
Маст ҳолатда машина ҳайдаганлар жиноий жавобгарликка тортилиши мумкин