Жорий йилнинг 1 ноябрь куни Фарғона вилоятида “Жигули” ва Nexia-2 иштирокида йўл транспорт ҳодисаси юз берди. Оқибатда тўрт киши вафот этди ва 3 киши жароҳатланди. Бу ҳақда вилоят Йўл ҳаракати хавфсизлиги Матбуот хизмати QALAMPIR.UZ’га хабар берди.
Қайд этилишича, воқеа соат 22:00 атрофида вилоятнинг Фурқат тумани Қўқонбой қишлоғи ҳудудидан ўтувчи А-376 Қўқон–Жиззах автомобиль йўлининг 10-километрида содир бўлган. 29 ёшли Н.Д. бошқарувидаги Nexia-2 автомобили қарама-қарши йўналишга чиқиб, 36 ёшли Ю.М. бошқарувидаги VAZ-2105 (“Жигули”) автомобили билан тўқнашган.
Оқибатда Nexia-2 ҳайдовчиси Н.Д. ва йўловчиси Р.О. тан жароҳати олиб, ҳодиса жойида, яна икки йўловчи – Р.К. ва М.Ғ. эса шифохонада вафот этган. VAZ-2105 автомобили ҳайдовчиси ва икки нафар йўловчи Фурқат тумани шифохонасининг жонлантириш бўлимига ётқизилган.
Тасодифий хабарлар
Нурмат Отабеков иммунитетни кўтариб, вирусдан сақланишнинг арзон халқона усулларини тавсия қилди
Наманганда яна 26 кишида коронавирус инфекцияси аниқланди
Rishtonda uyi buzilgan aholiga 13,5 ming kishi hasharga keldi
«Қамоқхонада 19 ёшли йигит ўз жонига қасд қилаётганда ходимлар мазах қилиб видеога олган» — ҳуқуқ фаоли
Икки хонанда судлашмайдиган бўлди