АҚШ разведка хизматлари Хитой БАА пойтахти Абу-Даби яқинидаги порт ҳудудида яширинча ҳарбий иншоот қураётганига ишонган. Бу ҳақда “The Wall Street Journal” вазиятдан хабардор манбаларга таяниб хабар берган.
Манбаларга кўра, тахминан бир йил олдин АҚШ расмийлари Абу-Даби яқинидаги Халифа портида “шубҳали Хитой фаолияти” ҳақида разведка маълумотларини олишни бошлаган.
Нашр манбаларининг таъкидлашича, жорий йилнинг баҳорида сунъий йўлдошдан олинган махфий суратлар АҚШ расмийларига Хитой портда ҳарбий объект қурмоқда, деган хулосага келиш имконини берди.
Қайд этилишича, АҚШ Президенти Жо Байден маъмурияти БААни объект ҳарбий мақсадда эканлигига ва унинг қурилиши тўхтатилиши кераклигига ишонтириш учун фаол дипломатик саъй-ҳаракатларни амалга оширган. Маълумотларга кўра, иншоот қурилиши Америка расмийларининг БААга бир қатор учрашувлари ва ташрифларидан сўнг тўхтатилган.
Тасодифий хабарлар
Россияда 19 ёшли қизни 14 йил тутқунликда сақлаб, зўрлаб келган эркак ушланди
Украина яна бир F-16 қирувчи самолётидан айрилди
Ўзбекистон Жаҳон банкидан 150 млн доллар қарз олади
Шавкат Мирзиёев 31 июл куни Беларусга ташриф буюради
Наманганда тоза ичимлик суви танқислиги бўйича маълумот берилди