Шимолий Македониянинг Тетово шаҳрида коронавирусга чалинган беморлар даволанган шифохонада чиққан ёнғинда 10 киши ҳалок бўлди. Бу ҳақда республика соғлиқни сақлаш вазири Венко Филипче маълум қилди. Бироқ “Алсат-М” телеканалининг хабар беришича, бахтсиз ҳодиса қурбонлари 14 кишини ташкил қилмоқда.
Бундан ташқари, 20га яқин одам жабр кўрган. Ёнғинни ўчиришда 30га яқин ўт ўчирувчи иштирок этган.
“Айни вақтда ёнғин оқибатида 10 киши ҳалок бўлгани тасдиқланди. Бироқ қурбонлар сони ошиши мумкин”, деб ёзган Twitter’да Филипче. Вазир қурбонлар ва жабрланганлар оилаларига ҳамдардлик билдирган.
Филипченинг таъкидлашича, ёнғин ўчирилган, жабрланганлар пойтахт Скопьедаги шифохоналарга кўчирилган. Тетовода бош вазир Зоран Заев бошчилигида инқироз штаби иш олиб бормоқда. Ёнғин сабаблари аниқлаштирилмоқда.
Тасодифий хабарлар
"Қамчиқ" довони кучли ёғингарчилик туфайли вақтинча ёпилди
Наманган қишлоқларига 4G интернет кириб бормоқда
Кунига 10 минг қадам юрганларга имтиёз берилади – Президент қарори лойиҳаси
Доллар курси яна ошди
Эрон cуди президент Трампни ҳибсга олишга ордер берди