Хитой юанни тарихий минимумга туширди

Хитой Марказий банки миллий валюта курсини яна пасайтирди.

Хитой халқ банки (Марказий банк) миллий валюта қийматини $1 га 7,0507 юан қийматида белгилади.

Статистикага кўра, бу 2008 йилнинг 24 мартидан бери энг минимал кўрсаткич.

2019 йилнинг 1 августидан буён юан курси тинмай пасаяётганди.

Хитойни валюта манипуляцияларида айблаган АҚШ молия вазирлиги расмий Пекиндан бу масалада шаффофликка риоя этишни сўраган.

Хитой Марказий банки изоҳига кўра, юаннинг пасайиши жаҳон иқтисодиёти ва молия тизимига салбий таъсирини ўтказади.