Ўзгидромет чанг-қумли бўрон сабабини маълум қилди

Мамлакатимизда кучли шамоллар туфайли мавсумга хос бўлмаган чанг-қумли бўрон ходисалари кузатилмоқда.

Ҳодисага Ўзгидромет изоҳ берди.

Қайд этилишича, 2021 йил 4 ноябр куни Ўзбекистон ҳудудига Уралдан совуқ ҳаво оқимлари кириб келиши ҳақида хабар берилган.

«Совуқ фронт зонасида шамолнинг 12-15 м/с гача, Бухоро, Навоий, Жиззах вилоятларининг айрим жойларида 20-25 м/с гача кучайиши кузатилди.

Шамол кучайиши оқибатида тупроқнинг жуда қуруқ устки қатлами кўтарилди ва республиканинг бир қатор туманларида кўринувчанлик 500-1000 м гача пасайиб, чанг-қумли ғубор ҳолатини келтириб чиқарди.

Атмосфера ҳавосидаги чанг миқдори белгиланган миқдорлардан 5 баробарга ошди.

Айни дамда шамол тезлиги 5-10 м/с ва тунгги 24:00гача прогноз қилинади», дейилади хабарда.