Шавкат Мирзиёев Англияга боради

Президент Шавкат Мирзиёевнинг Англияга ташрифи кутиляпти. 9 август куни Ташқи ишлар вазири Абдулазиз Комилов Британиянинг Европа ва Америка мамлакатлари бўйича ташқи ишлар давлат вазири Кристофер Пинчер билан телефонда ташрифни муҳокама қилган. Шунингдек, Комилов Пинчерни шу лавозимга тайинлангани билан ҳам табриклаган. Суҳбатда томонларни қизиқтирган долзарб минтақавий ва халқаро масалалар муҳокама қилинган. Улар таълим соҳасидаги ҳамкорликка алоҳида эътибор беришган. Бундан ташқари, икки дипломат парламентлараро алоқаларни мустаҳкамлаш ва қонун чиқарувчи органлар ўртасида тажриба алмашиш амалиётини давом эттириш кераклигини айтишган. Кристофер Пинчернинг айтишича, Буюк Британия декабрда Ўзбекистонда бўлиб ўтадиган Олий Мажлис ва халқ депутатлари маҳаллий кенгашлари сайловларида ўз вакилларини кузатувчи сифатида иштирок этиш учун юборишни режалаштирган.