Қатарда 2022 йили ўтказиладиган футбол бўйича жаҳон чемпионатига саралаш босқичи 5-тур доирасида бугун соат 17:00 да Тошкентнинг "Пахтакор" стадионида Ўзбекистон ва Саудия Арабистони терма жамоалари учрашади.
Айни вақтда Ўзбекистон терма жамоаси D гуруҳида пешқадам бўлиб турибди. Ўтказилган уч ўйиндан сўнг мамлакатимиз вакиллари 2 ютуқ, 1 мағлубият, 8-3 тўплар нисбати билан 6 очко жамғаришган. Саудия Арабистони эса 5 очко билан иккинчи ўринда.
Ўзбекистон ва Саудия Арабистони терма жамоалари ўзаро 10 марта майдонга тушишган. Шундан 4 мартасида вакилларимиз, 5 мартасида саудияликлар ғалаба қозонган. 1 марта жамоалар дурангга рози бўлишган. Тўплар нисбати бўйича Саудия Арабистони олдинда: 13-21.
Ўзбекистон МТЖ илк марта Саудия Арабистони билан 1994 йили Япониянинг Хиросима шаҳрида майдонга тушган. Ўшанда вакилларимиз рақибларни 4:1 ҳисобида мағлубиятга учратган. Голларни Лебедев, Қосимов ва Шквирин урган.
Сўнгги ўйин эса 2015 йили Австралиянинг Мельбурн шаҳрида ўтказилган. Унда Сардор Рашидовнинг иккита ва Воҳид Шодиевнинг 1 голи ҳисобига миллий терма жамоамиз 3:1 ҳисобида ғалабага эришган.
Тасодифий хабарлар
Audi eng kuchli SUV SQ8 dizelini taqdim etdi Audi eng kuchli SUV SQ8 dizelni taqdim etdi.
Қозоғистонда эпидемик вазият оғирлигича қолмоқда. Олмаота тўлиқ локдаунда
Украинада қолиб кетган ўзбекистонлик юк ташувчилар уруш майдонидан олиб чиқилдими?
Юртимизда дам олиш кунлари қандай об-ҳаво бўлади?
Ўзбекистон хавфсизлик бўйича Россия билан маслаҳатлашув ўтказади