Наманган вилояти Мингбулоқ туманида 1 млрд сўм имтиёзли кредитни ноқонуний ўзлаштирган шахсларга нисбатан жиноят иши қўзғатилди. Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар бермоқда.
Бош прокуратура ҳузуридаги Департаментнинг Мингбулоқ туман бўлими томонидан ўтказилган терговга қадар текширувда, “G” МЧЖ раҳбари И.Д. ва бошқалар олдиндан тил бириктириб, банк муассасасидан автомобилларга техник ва маиший хизмат кўрсатиш марказини ташкил этиш учун ажратилган 1 млрд сўм имтиёзли кредитни сохта ҳужжатларни тузиш орқали нақдлаштиришиб, ўзлаштириш йўли билан талон-торож қилганликлари аниқланган.
Мазкур ҳолат юзасидан И.Д. ва бошқаларга нисбатан Жиноят кодексининг 167-моддаси (талон-торож қилиш) ва 228-моддаси (ҳужжатларни қалбакилаштириш) билан жиноят иши қўзғатилиб, тергов ҳаракатлари ўтказилмоқда.
Тасодифий хабарлар
Москва метросида мусулмонлар учун намозхоналар очилиши мумкин
Саудияда АҚШ фуқароси қатл қилинди
Путин урушдан олдин берган топшириғини бажармаганларни жазолашни буюрди
Наманган, Андижон ва Фарғона вилоятларида газ ҳамда электр таъминоти ҳажми оширилиши мумкин
Ўзбекистон давлат филармонияси 369 млн сўмга «Malibu-2» сотиб олди