Наманганда уч нафар фарзандига алимент тўламай юргани учун қидирувда бўлган эркак тунги клубдан топилди. Бу ҳақда Мажбурий ижро бюросининг ахборот хизмати раҳбари Фаррух Тошпулатов хабар берди.
Унга кўра, қарздор ота суд қарорида кўрсатилган мажбуриятни, яъни 2021 йилнинг мартидан 2024 йилнинг январь ойига қадар 50 млн сўмдан ошиб кетган алимент пулини тўлашдан бўйин товлаб, яшириниб юрган.
Шу боис унга нисбатан қидирув эълон қилинган бўлиб, кеча, 15 январь куни ички ишлар органлари ходимлари билан ҳамкорликда ўтказилган тадбирида Д.И. тунги клубдан топилган.
"Унга нисбатан маъмурий жазо қўлланилиб, 15 суткалик қамоқ жазоси тайинланди", дейилади бу ҳақдаги хабарда.
Маълумот учун, Бюронинг Наманган вилоят бошқармаси қидирув шуъбаси томонидан 2023 йилнинг ўзида жами 207 нафар қидирувдаги шахслар топилиб, 478 миллион сўм миқдоридаги қарздорлик ундирилган.
Тасодифий хабарлар
Эртага айрим жойларда ёмғир ёғади
Тошкентда 15 июль куни коронавирус аниқланган аёл вафот этди
Андижондаги “Дунё садолари” фестивалига 6 миллиард сўм маблағ сарфланди
Алишер Усмонов Наманган учун «Спутник V» вакцинаси ажратилишини сўради
Автобуснинг йўли тўсилиб, тошбўрон қилиниши сабаби маълум бўлди