Facebook ва Twitter ижтимоий тармоқлари маъмурияти Дональд Трампнинг аккаунтини блоклаб қўйди. Бунга Трампнинг АҚШда бўлиб ўтган президентлик сайлов натижаларини тан олишдан бош тортгани билан бир қаторда сайловларни қалбакиликда айблагани ва улар орқали ижтимоий тармоқдан фойдаланиш қоидаларини бузгани сабаб қилиб кўрсатилган. Бу ҳақда хавфсизлик бўйича Twitter расмий аккаунтида сўз боради.
Трампнинг Facebook’даги аккаунти 24 соатга, Twitter’даги аккаунти эса 12 соатга блокланган. Бундан ташқари, Twitter Президент учта тортишувли твитини олиб ташлаши кераклигини таъкидлаган. Агар такрорий қоидабузарлик юз берса, Трампнинг аккаунти бутунлай блокланиши маълум қилинган.
As a result of the unprecedented and ongoing violent situation in Washington, D.C., we have required the removal of three @realDonaldTrump Tweets that were posted earlier today for repeated and severe violations of our Civic Integrity policy. https://t.co/k6OkjNG3bM
— Twitter Safety (@TwitterSafety) January 7, 2021
Facebook Трампни постларни ўчиришга чақирмаган. Бироқ, тармоқ маъмурияти томонидан Вашингтонда зўравонлик авж олишига олиб келган, деб топилган видеохабарни мустақил равишда ўчириб ташлаган.
Аввалроқ, Трамп АҚШдаги президентлик сайловлари натижаларини тан олишдан бош тортганини тармоқларда бир неча бор эълон қилган эди. Бироқ, норозилик намойишлари авж олиши билан у ўз тарафдорларини қонунни бузмасликка, тинчликни сақлашга чақирган. Айни пайтда, Вашингтонда жорий қилинган фавқулодда ҳолат Жозеф Байденнинг инаугурациясига қадар узайтирилган.
Эслатиб ўтамиз, кеча, 6 январь куни АҚШнинг амалдаги Президенти Дональд Трампнинг тарафдорлари мамлакат пойтахти Вашингтондаги Капитолий олдида намойиш қилиб, Конгресс биносига бостириб кирган эди. Оқибатда 4 киши ҳалок бўлди, 50 дан ортиқ намойишчи ҳибсга олинди.
Тасодифий хабарлар
Рўйхатга олинмаган қурол ва ўқ-дориларини Миллий гвардия органларига ўз ихтиёри билан топширган фуқароларга пул мукофоти берилади
АҚШ 150 дан зиёд мамлакат учун импорт божи жорий қилди. Рўйхатда Ўзбекистон ҳам бор (рўйхат)
Видео: Ижтимоий тармоқ фойдаланувчилари йўл қоидасини бузган актрисани танқид қилди
«Охирини ўйлаган қаҳрамон бўлолмайди». Пўлат Аламдар роли билан танилган Нежати Шашмаз 48 ёшга тўлди
Хитойда болаларни заҳарлагани учун болалар боғчаси ўқитувчиси қатл этилди