Ижтимоий тармоқларда икки нафар қизнинг ушланиши билан боғлиқ видеотасвир тарқалди. Тошкент шаҳар ИИББ бу ҳолат юзасидан расмий баёнот берди.
"2020 йилнинг 3 август куни тахминан соат 12:30 ларда ППХ бригадаси 3 батальон 5 отряд ходимлари сафдорлар Б.Мирзахакимов ва А.Худойбердиевлар Юнусобод тумани Абдулла Қодирий ва Шароф Рашидов кўчаларининг кесишмасидаги чорраҳада хизмат олиб бораётган вақтида, чорраҳада икки нафар қизлар тиланчилик қилаётганлигини аниқлашган. Ушбу қизлар ўзининг хатта-ҳаракатлари билан йўлнинг серқатнов қисмида авариявий ҳолатни юзага келтириб, транспорт воситалари ҳайдовчиларига халақит беришган.
Қизлар ўрнатилган қонун қоидаларни бузаётганлиги тушунтирилиб, уларга яқин орадаги Юнусобод тумани ИИО ФМБ 2-сонли ИИБга боришлари сўралган. Бироқ 18 ёшли Сарвиноз Э. ва 19 ёшли Шахзода А. ходимларга фаол қаршилик кўрсатиб, уларни ҳақорат қилишган ва атрофдаги одамларнинг диққатини тортиш мақсадида шовқин кўтаришган. Натижада ходимлар қўшимча кучларни чақириб, ушбу қизларни ИИБга олиб келишган.
Профилактика инспектори К.Джураев ушбу фуқаролар билан профилактик тушунтириш ишларини олиб бориб, тиланчилик қилганлик учун жавобгарлик белгиланганлигини маълум қилган. Улар томонидан бу ҳолат биринчи маротаба содир этилаётганлиги сабабли қизларга огоҳлантириш берилган".
Тасодифий хабарлар
Расман: Қозоғистон Россия-Украина урушида Путиннинг тарафини танлади
Ўзбекистон интернет тезлиги бўйича рейтингда тўрт позиция юқори кўтарилди
Қашқадарёдаги адирда эркак кишининг жасади топилди. Уни аёл киши ўлдиргани айтилмоқда
Ўзбекистоннинг 7 ҳудудида коронавирусга чалинганлар аниқланди, 33 беморнинг аҳволи оғир
Хитойда коронавирус бўйича ўлим жазоси жорий қилинди