ИИВда янги тайинловлар. «Қийноқ иши» ортидан ҳайдалган Андижон шаҳар ИИО ФМБ бошлиғи ўрнига янгиси келди

Ички ишлар вазирининг шахсий таркиб бўйича буйруғи билан лавозим тайинловлари амалга оширилди.

Подполковник Назиров Шохрухбек Холмухамедович Андижон вилояти Андижон шаҳар бўйича ички ишлар органлари фаолиятини мувофиқлаштириш бошқармаси бошлиғи вазифасини бажарувчиси лавозимига тайинланди. Тайинловга қадар Ш.Назиров Андижон вилояти ИИБ Жиноят қидирув бошқармаси бошлиғи лавозимида хизмат қилган.

Эслатиб ўтамиз, Андижонда ИИВ ходимлари одам ўлдириб қўйгани учун икки подполковник (жумладан, Андижон шаҳар ИИО ФМБ бошлиғи) ва бир қатор ходимлар ишдан бўшатилгани хабар қилинган эди.

Шунингдек, ИИВнинг тайинловига кўра:

Подполковник Ситмуратов Усманжан Тенгелович Қорақалпоғистон Республикаси Элликқалъа тумани ички ишлар бўлими бошлиғи лавозимига тайинланди. Тайинловга қадар У.Ситмуратов Қорақалпоғистон Республикаси ИИВ Тергов бошқармаси бошлиғи ўринбосари лавозимида хизмат қилган.

Подполковник Жабборов Отабек Камолиддинович Наманган вилояти Чортоқ тумани ички ишлар бўлими бошлиғи лавозимига тайинланди. Тайинловга қадар О.Жабборов Наманган вилояти ИИБ Терроризм ва экстремизмга қарши курашиш бошқармаси бошлиғи ўринбосари — терроризм ва экстремизмга қарши курашиш бўлими бошлиғи лавозимида хизмат қилган.

Подполковник Умаров Хондамир Аллаёрович Самарқанд вилояти Каттақўрғон шаҳар ички ишлар бўлими бошлиғи лавозимига тайинланди. Тайинловга қадар Х.Умаров Самарқанд вилояти ИИБ Йўл ҳаракати хавфсизлиги бошқармаси йўл-патруль хизмати батальони командири ўринбосари-штаб бошлиғи лавозимида хизмат қилган.

Подполковник Хайитов Рустамжон Тураевич Фарғона вилояти Бувайда тумани ички ишлар бўлими бошлиғи лавозимига тайинланди. Тайинловга қадар Р.Хайитов Фарғона вилояти ИИБ Жиноят қидирув бошқармаси қидирув ишларини ташкил этиш бўлими бошлиғи лавозимида хизмат қилган.