Эрон томонидан АҚШнинг Ироқдаги ҳарбий объектларига ракета зарбалари берилди. Натижада Айн-ал-Асадда жойлашган авиабазадаги бир неча қирувчи самолётлар зарарланган. Баъзи маълумотларда эса бир нечта самолёт йўқ қилингани айтилмоқда.
Норасмий маълумотларга қараганда жабрланганлар ва қурбонлар бор, аммо ҳозирча уларнинг сони номаълум.
Ўндан ортиқ ракеталар орқали йўлланган ҳужум Ироқ ғарбидаги Айн-ал-Асад авиақароргоҳи билан бирга Ироқ ғарбидаги Эрбил аэродромига ҳам йўналтирилган эди. Эрон ислом революцияси қўриқчи корпуси томонидан маълум қилинишича, ушбу операция «Жабрдийда Сулаймоний» деб номланади ва Боғдодда ўлдирилган Қосим Сулаймоний учун ўч олиш мақсаддида ташкил этилган.
АҚШ президенти Доналд Трамп ҳужум бўлиб ўтгач мамлакат мудофаа вазири Марк Эспер ва давлат котиби Майк Помпео билан шошилинч мажлис ўтказди. Шундан сўнг у твиттердаги саҳифасига «ҳаммаси жойида», деб ёзиб қўйди.
«Бугунги кунда бизда энг кучли ва энг яхши қуролланган армия бор», — дейди Трамп. АҚШ президенти бугун баёнот бериши кутилмоқда.
Тасодифий хабарлар
Ўзбекистон мусулмонлари идораси Сўхдаги вазият бўйича халқимизни вазминликка чақирди
Ўзбекистонда 28 январдан бошлаб концерт-томоша тадбирларини ташкил этишга рухсат берилди
Наманганда “дом”даги ёнғинда она ва фарзанд ҳалок бўлди
Раҳбарларга халқ баҳо қўяди
Наманганда ота 1 яшар ўғлини каналда чўктириб юборди. Нега?