Даҳшат! Жиззахда ИИБ биносидан 7 кишининг жасади чиқди

Жиззахда вилояти Зомин туманида 7 нафар ишчи ИИБга қарашли бинода ис газидан заҳарланиб вафот этди. Бу ҳақда Бош прокуратура Матбуот котиби хабар берди.

Кеча, 19 ноябрь куни Зомин тумани ИИБ 10-сонли бўлинмаси биносида қурилиш ишларини амалга ошираётган 7 нафар ёлланма ишчилар ис газидан заҳарланиб, воқеа жойида вафот этишган.

Мазкур ҳолат юзасидан Жиззах вилояти прокуратураси томонидан ЖКнинг 207-моддаси 3-қисми “а” банди билан жиноят иши қўзғатилиб, тергов ҳаракатлари олиб борилмоқда.

Суннатилла Абдуллаев