Намангандаги резина цехига ўт кетди (видео)

8 сентябрь куни Наманган вилоятидаги резина ишлаб чиқариш цехида ёнғин содир бўлди. Бу ҳақда вилоят Фавқулодда вазиятлар бошқармаси хабар берди.

Қайд этилишича, ФВБга Давлатобод туманидаги “Халқлар дўстлиги” маҳалласида жойлашган цехнинг том қисми ёнаётгани ҳақида хабар келиб тушган. Ёнғин-қутқарув экипажлари воқеа жойига етиб бориб, соат 17:00 да ёнғинни қуршаб олган. Ёнғин соат 17:55 да тўлиқ ўчирилган.

Ҳодиса оқибатида тан жароҳати олганлар ҳақида маълумот келиб тушмаган.