Фарғона шаҳрига янги ҳоким тасдиқланди

Куни кеча халқ депутатлари Фарғона шаҳар кенгашининг навбатдан ташқари сессияси бўлиб ўтди. Унда ташкилий масала кўрилган.

Маълум қилинишича, Фарғона вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Мирзоҳид Убайдуллаев Фарғона шаҳар ҳокими лавозимига тасдиқланган.

Эслатиб ўтамиз, Шавкат Мирзиёевнинг Фарғона вилоятига ташрифидан сўнг Фарғона шаҳар ҳокими Ҳамид Исмоилович Ҳабибидинов ва қолган уч сектор раҳбари ҳам ишдан олинганди.