Ўзбекистонлик Жамолиддин Тоҳиров АҚШда йўл-транспорт ҳодисаси оқибатида вафот этди. У бошқараётган фура ички бетон тўсиққа бориб урилган. Ҳалокат юзасидан тергов ишлари давом этмоқда.
22 июл эрталабки 8:30 атрофида АҚШда аянчли йўл-транспорт ҳодисаси содир бўлган. Бунинг натижасида 38 яшар ўзбекистонлик Жамолиддин Тоҳиров вафот этган.
Дастлабки тергов натижаларига кўра, Жамолиддин Тоҳиров бошқараётган 18 ғилдиракли 2022 Freightliner русумли фура ички бетон тўсиққа урилган ва қарама-қарши йўналишдаги барча йўлаклардан ўтиб, ташқи ҳимоя панжарасини ҳам ёриб ўтган. Ҳайдовчи воқеа жойида вафот этган. Ҳалокат юзасидан тергов ишлари давом эттирилмоқда.
Ижтимоий тармоқларда тарқалган хабарларга кўра, автоҳалокат содир бўлган куни кучли ёмғир ёғаётган бўлган. Марҳум Флорида штатининг Орландо шаҳрида яшаган.
Маълумот учун, Америкага борган ўзбекларимизнинг кўпчилиги катта ҳажмли юк машиналарида (track) ҳайдовчилик қилади. Лекин бу – америкаликларнинг ўзи ишлашни хоҳламайдиган энг оғир соҳалардан бири. Чунки уларнинг ўлчами катта ва тўхташ ёки тезкор манёвр қилиш енгил автомобилларга нисбатан секинроқ ва кўпроқ жой талаб қилади. Юқори кабина ва узун кузов туфайли атрофдаги транспорт воситалари ва пиёдаларни кўришда қийинчиликларга дуч келиш мумкин. Бу эса хавфни оширади.
Тасодифий хабарлар
Об-ҳавони баҳона қилмасдан, чидамли маҳсулотлар етиштириш зарур – Президент
Энергетика вазирлиги метан заправкаларга газ етказиб бериш чекланганини рад этди
“Yashil pasport bilan Green Card o‘ynash mumkin, ammo natija chiqqunicha bu pasport yaroqsiz bo‘lib qoladi”. AQSh konsulligi Green Card bo‘yicha savollarga javob berdi
Ўзбекистонда 2022 йилда нечта "Nexia T-250" ишлаб чиқарилди ?
Хитойда одамсимон робот кино йўналиши бўйича ўқишга кирди