Россия мудофаа вазири Сергей Шойгу Пхенянда Шимолий Корея етакчиси Ким Чен Ин билан учрашди, дея хабар бермоқда «Корея овози».
«Ким Чен Ин мудофаа вазири Шойгу билан учрашганидан мамнун бўлди ва у билан самимий суҳбатлашди... Музокаралар чоғида КХДР ва Россия ўртасидаги дўстликнинг чуқур тарихи ёдга олинди, шунингдек, мудофаа ва хавфсизлик соҳасида томонларни қизиқтирган масалалар муҳокама қилинди», дейилади хабарда.
Шунингдек, Шойгу Ким Чен Инга Россия президенти Владимир Путиндан мактуб бергани қайд этилган.
Россия мудофаа вазири бошчилигидаги ҳарбий делегация сешанба куни Корея урушидаги ҳарбий ҳаракатлар тугаганининг 70 йиллигига бағишланган тантаналарда иштирок этиш учун Шимолий Кореяга етиб борган.
Иш сафари 27 июлга қадар давом этади.
Тасодифий хабарлар
Мигрант-таксичилар Россия ҳайдовчилик гувоҳномасини олиши мажбурий бўлади
Apple компаниясининг энг кучли компьютери рекорд ўрнатди
ДХХ давлат чегарасига яқин ҳудудда яширин ер ости йўллари қазилгани ҳамда унга алоқадор шахсларни фош қилди
Андижон ҳокимининг яна бир аудиоси тарқалди
Бугундан бошлаб барча дон ва ун очиқ биржада сотилади