Наманганда 62-халқаро гуллар фестивали бошланди. Тадбирни одатдагидек гуллар автокарвони бошлаб берди. 200 дан ортиқ турли русумдаги ва турфа гулларга бурканган автомобиллар ўз юришини Наманган халқаро аэропортидан бошлаб, фестиваль бўлиб ўтадиган Бобур номли боғ олдида якунлади.
Гуллар автокарвони якунлангандан сўнг тадбирнинг тантанали очилиш маросими бўлиб ўтди.
Дилноза Кубаева ва Жамшид Умрзоқов олиб борган маросимда Наманган вилояти ҳокими Шавкат Абдураззақов, Маданият ва туризм вазири Озодбек Назарбеков, Ўзбекистон халқ артисти Ёдгор Саъдиев ва Ўзбекистон халқ шоири Маҳмуд Тоир сўз олди.
Шундан сўнг дипломатик корпус вакиллари, Қирғизистоннинг Ўш, Жалолобод, Норин вилоятлари, Тожикистоннинг Сўғд вилояти раҳбарлари иштирокида рамзий лента қирқилди ҳамда Бобур номли боғдаги гуллар композициялари ва кўргазмалар билан танишув бошланди.
Кечки пайт “Афсоналар водийси” боғидаги амфитеатрида фестиваль очилишига бағишланган байрам концерти бўлиб ўтди. Унда Милена Мадмусаева, Алишер Файз ва Озодбек Назарбеков ўз қўшиқларини меҳмонлар ва мезбонларга тақдим этди.
Концертни байрамона мушакбозлик якунлаб берди.
Foto: daryouz
Тасодифий хабарлар
Пекин Олимпиадасига яна икки давлат бойкот эълон қилди
Хушхабар! Ўзбекистонда яна 8 нафар бемор тузалди (ФОТОГАЛЕРЕЯ)
Ҳафта бошида қандай об-ҳаво бўлиши айтилди
Мадриднинг “Реал” клуб афсонаси вафот этди
"9 май хотира ва қадрлаш куни" мавзусида ёшлар билан учрашув ўтказилди