Россиянинг Уфа шаҳридан Анталяга учиши режалаштирилган AzurAir авиакомпанияси самолёти учувчиси штурвалда ўтирган жойидан военкоматга олиб кетилди. Оқибатда йўловчилар Туркияга 9 соат кечикиб учишди. 30 сентябр куни бўлган ушбу ҳодиса ҳакида энди хабар берилди. Mkset нашри йўловчиларнинг сўзларига асосланиб ёзишича, улар икки соат кутишганидан сўнг овозкучайтиргич орқали ZF1291 рейсининг иккинчи учувчисига қисман сафарбарлик доирасида чегарани кесиб ўтиш тақиқлангани эълон қилинган.
Ҳозирги маълумотларга кўра, военкоматнинг чақирув қоғози учувчига уйида топширилган, у эса военкоматга бормаган ва раҳбариятини ҳам хабардор қилмаган. Авиакомпания ҳодисадан сўнг чақирув олганлар раҳбариятни хабардор этмаса интизомий чора кўрилади, дея огоҳлантирди.
Эрталабки соат 05:20 да учиши керак бўлган Boeing 757-200 самолёти 9 соат ва 28 дақиқа ўтиб осмонга кўтарилган. Бунгача йўловчилар меҳмонхонага жойлаштирилганди.
Тасодифий хабарлар
Наманган шаҳрида ҳокимнинг уч нафар ўринбосари алмашди
Ташқи ишлар вазирининг биринчи ўринбосари элчи бўлиши кутилмоқда
Ўзбекистонда гўшт нархи арзонлаштирилди, аммо...
Жиззахда «йўл эгаси» қўлга тушди
Украинада Зеленскийга «рақиб» топилди