Давлат хавфсизлик хизмати ходимлари томонидан Тошкент вилояти божхона бошқармаси ҳамда Сирдарё вилояти ИИБ билан ҳамкорликда “Сирдарё” ЙПХ масканида тезкор тадбир ўтказилди.
Унда Қашқадарёдан Тошкент вилояти томон келаётган Қарши шаҳрида яшовчи, 1986 й.т. шахс бошқарувидаги “Nexia” русумли автомашина тўхтатилиб, кўздан кечирилди.
Натижада, автомашинанинг юкхонасига яшириб қўйилган 4 кг. 534 гр. “гашиш” гиёҳвандлик воситаси аниқланиб, процессуал тартибда расмийлаштириб олинди.
Маълум бўлишича, ушбу фуқаро тожикистонлик наркосавдогар томонидан контрабанда йўли билан юборилган наркотик моддаларни хуфия жойларга яшириб, мижозларга сотиш билан шуғулланиб келган.
Дастлабки суриштирув ҳаракатлари давомида уни Тошкент шаҳрида яшовчи, 1977 й.т., муқаддам судланган шериги Зангиота туманида кутиб турганлиги маълум бўлиб, у ҳам қўлга олинди.
Шунингдек, тезкор-қидирув тадбирлари доирасида уларнинг яна бир шериги, Қарши шаҳрида яшовчи, 1980 й.т. шахснинг яшаш хонадонидан 11 кг. 168 гр. “гашиш” гиёҳвандлик воситаси ўрнатилган тартибда расмийлаштириб олинди.
Ўтказилган тезкор тадбирлар натижасида жами 15 кг. 702 гр. “гашиш” моддаси мусодара қилинди.
Ҳозирда мазкур шахсларга нисбатан Жиноят Кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Тасодифий хабарлар
Тошкент шаҳрида Рамазон ҳайити намози ўқилиши учун махсус автобус йўналишлари ташкил этилади
17 ёшли қиз янги туғилган чақалоғини қурилиши тугалланмаган бино орқасига ташлаб кетди
Наманганда 41 минг АҚШ доллар эвазига Корея давлатига ишга юбориш билан шуғулланган Миграция агентлиги ходимлари ушланди
Жаҳонгир Ортиқхўжаевнинг вакцина олиши вақтидаги баҳсли ҳолатга изоҳ берилди
«Uzavto Motors» яна алдади