Ўзбекистон Россияга Ту-214 самолётларини ишлаб чиқаришни қайта тиклашда ёрдам бериши мумкин. Бугун, 23 март куни Ўзбекистон ва Татаристон ўртасида сармоявий ва иқтисодий ҳамкорлик бўйича ўтказилган давра суҳбатида ҳамкорлик имкониятлари муҳокама қилинди. Бу ҳақда “Спутник” хабар берди.
“Бугун Ту-214 ишлаб чиқаришни қайта тиклашга қарор қилинди. Лойиҳа, албатта, осон эмас. Бу ерда биз ҳам ўзаро ҳамкорликка (Ўзбекистон билан – таҳр.) ишонамиз”, деди Татаристон Президенти ёрдамчиси Равиль Зарипов.
Унинг қўшимча қилишича, гап самолётнинг айрим қисмларини биргаликда ишлаб чиқариш ҳақида кетмоқда.
Инвестициялар ва ташқи савдо вазири ўринбосари Хуррам Тешабоевнинг сўзларига кўра, Тошкент механика заводида ишлаб чиқарилаётган бутловчи қисмлар базаси рўйхатини кенгайтириш бўйича келишувлар аллақачон мавжуд.
Россияда Ту-214 ўрта масофали йўловчи лайнерининг серияли ишлаб чиқарилишини жонлантириш режалари Ғарб мамлакат авиация саноатига қарши санкциялар киритганидан кейин пайдо бўлди.
Тасодифий хабарлар
Наманганда участка учун аталган 9.200 АҚШ доллари фирибгарнинг қўлига тушди
Тошкентда 678 киши нафас қисиши туфайли “Тез ёрдам”га мурожаат қилди – ССВ
Жазирама қачонгача давом этади?
28-ўлим: 59 ёшли эркак коронавирусдан вафот этди
Uzauto Motors етказиб берилмаган Captiva 5 учун харидорларга компенсация тўлайди