Кўплаб мамлакатлар сингари Туркия ҳам коронавирус билан боғлиқ карантин чекловларини енгиллаштирмоқда. Унга кўра, энди мамлакатда кўчада мажбурий ниқоб тақиш шарт эмас. Бу ҳақда Соғлиқни сақлаш вазири Фаҳреттин Кожа маълум қилган.
"Биз энди кўчада ниқоб кийишимиз шарт эмас", дейди Кожа Коронавирус тарқалишига қарши кураш бўйича илмий кенгаш йиғилишидан кейинги брифингда.
Унинг сўзларига кўра, агар этарли шамоллатиш ва ижтимоий масофани сақлаш имконияти мавжуд бўлса, ёпиқ жойларда ҳимоя воситаларидан фойдаланиш зарурати ҳам йўқолади.
"Аммо ниқоблар кундалик ҳаётимиздан узоқлашмайди, зарурат туғилганда тақиш учун уларни ўзимиз билан олиб юришимиз керак", дея қўшимча қилди вазир.
Шунингдек, мамлакатда HES-код тизими ҳам бекор қилинмоқда. Ушбу махсус дастур орқали Туркия фуқаролари ва мамлакатга ташриф буюрувчи сайёҳлар онлайн платформада рўйхатдан ўтиб, жамоат жойлари, йирик дўконларга ушбу кодни тасдиқлатган ҳолдагина киритилаётган эди.
“Одамлар энди биноларга киришда ёки тадбирларга боришда буни кўрсатишга ҳожат қолмайди”, дейди вазир.
Тасодифий хабарлар
Samarqandda birovning o‘rniga test topshirmoqchi bo‘lgan «abituriyent» qo‘lga tushdi
Ўзбекистонга даҳшатли совуқ яқинлашмоқда
Тўра Боболовнинг қарори бекор бўлди
«Коронавируснинг Европада чиққан штамми бизгача етиб келмаслигига ҳеч ким кафолат беролмайди» — Шавкат Мирзиёев
Рамзан Қодиров чечен “спецназ”ининг Украинадаги ҳаракати ҳақида маълумот берди