Наманган вилоятида 2021 йилнинг биринчи чорагида ҳокимлар қарорларини ҳақиқий эмас деб топиш билан боғлиқ 72 та иш кўриб чиқилди. Бу ҳақда «Дарё»га вилоят маъмурий суди раиси Салоҳиддин Турсунов маълум қилди.
Турсуновнинг айтишича, 2020 йил биринчи чорагида бу кўрсаткич 60 тани ташкил этганди.
Маъмурий судлар уч ой давомида ҳокимларнинг жами 32 та қарорини ҳақиқий эмас деб топган. Жумладан, Наманган шаҳар ҳокимининг 12 та, Поп тумани ҳокимининг 7 та қарори юзасидан шундай хулосага келинган.
«Шунингдек, биринчи чорак давомида ҳокимият мансабдор шахслари ҳаракати ёки ҳаракатсизлигини қонунга хилоф деб топиш билан боғлиқ 9 та иш кўриб чиқилди. Уларнинг 6 таси қаноатлантирилди», — дейди Салоҳиддин Турсунов.
Наманганда маъмурий судлар томонидан жорий йил уч ойи мобайнида мазкур тоифадаги ишлар бўйича қонунбузилиш ҳолатларига йўл қўйган мансабдор шахсларга нисбатан 25 та хусусий ажрим чиқарилган. Бу ўтган йилнинг шу даврига нисбатан икки баравар кўп.
Тасодифий хабарлар
Наманганда бир кунни узида 62 киши коронавирусдан бутунлай соғайди
Тошкентда "Жанубий Корея операцияси" фош бўлди
Нарендра Моди Путинни қимматбаҳо коса билан сийлади
Наманганда ўқитувчилардан пул йиғиб беришлари кераклигини айтган мактаб директорига чора кўрилади
Таъзия