Ёнғиндан сўнг автомобилга ўрнатилган 65 литр сиғимдаги пропан газ баллони портлаган.
26 сентябрь куни соат 12:34да Навоий шаҳридаги “Темир йўл транспорт бошқармаси” МЧЖга қарашли Nexia русумли автомобилда ёнғин бўлаётганлиги ҳақида ёнғин-қутқарув хизматига хабар келиб тушган, дейилади давлат ёнғин хавфсизлиги хизматининг хабарида.
Воқеа жойига иккита ёнғин ўчириш бўлинмалари жалб этилган. Бўлинмалар чақирилган манзилга уч дақиқада етиб борган ва ёнғин соат 12:39да қуршаб олиниб, соат 12:42да тўлиқ бартараф этилган.
Nexia русумли автомобиль тўлиқ ёниб кетгани қайд этилмоқда.
Ҳодисанинг келиб чиқиш сабаби юзасидан дастлабки суриштирув ишлари олиб борилганда, ҳайдовчи ёқилғи ҳидини сезиб, автомобилни тўхтатгани маълум бўлган. Ҳайдовчи машинани қайтадан ўт олдирган вақтида эса аланга юзага келган.
Шундан сўнг, автомобилга ўрнатилган 65 литр сиғимдаги пропан газ баллони ёнғин оқибатида ёрилган.
Тан жароҳати олганлар ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
Тасодифий хабарлар
17 яшар қиз ҳаммомдан жонсиз ҳолда топилди
Наманган вилояти прокурори аҳоли билан қабул ўтказди
Корпоратив тадбир ўтказганлар жавобгарликка тортилади – ССВ
Энергетика вазирлиги метан заправкаларга газ етказиб бериш чекланганини рад этди
Рўзиқул Бердиев: "Сурхон"га қарши ўйин режамиз асосида ўтди