AКТ вазирлиги делегациясининг Барселона (Испания Қироллиги)да бўлиб ўтадиган «MWC Barcelona-2022» Жаҳон Мобиль Конгрессида иштирок этиш учун ташрифи доирасида Aхборот технологиялари ва коммуникацияларини ривожлантириш вазири Шерзод Шерматов ҳамда Huawei компаниясининг Евроосиёдаги минтақавий президенти Даниэль Чжоу билан учрашув бўлиб ўтди.
Давлат хизматларини рақамлаштириш ва электрон ҳукуматни ривожлантириш бўйича «Оқ китоб» (Whitepaper) ишлаб чиқилишида халқаро консалтинг компанияларини жалб қилган ҳолда амалий ёрдам кўрсатиш имкониятлари кўриб чиқилиши қайд этилди.
Шунингдек, сунъий интеллектни жорий этиш ҳамда аҳолига рақамли хизматлар кўрсатишни кенгайтириш ва такомиллаштириш учун мавжуд AКТ инфратузилмасидан фойдаланиш бўйича ҳамкорлик масалалари муҳокама қилинди.
Aлоҳида эътибор маҳаллий ёшларни ишга жойлаштириш орқали BPO ва KPO хизматларини ривожлантиришга қаратилқан лойиҳаларини амалга оширишда Huawei компаниясининг бевосита иштирокини таъминлашга қаратилди.
Шунингдек, учрашув доирасида Ўзбекистон Республикаси Aхборот технологиялари ва коммуникацияларини ривожлантириш вазирлиги ва Huawei компанияси ўртасида меморандум имзоланди. Томонлар таъкидлаганидек, мазкур меморандумда ахборот-коммуникация технологиялари соҳасида кўп томонлама ҳамкорликни мустаҳкамлашга йўналтирилган аниқ чоралар акс эттирилган.
Тасодифий хабарлар
Ўзбекистонда янги портал ишга тушади – Президент қарори лойиҳаси
Португалия жаҳон чемпионатида ўйнашига ишонаман – Роналду
“Xorijdagi Namanganliklar” klubi tashkil etiladi
15 кунлик иш учун 5 000 000 дан 15 000 000 сўмгача маош таклиф қилинмоқда
Коронавирус билан боғлиқ вазият яхшиланмаяпти