Россия Президенти Владимир Путин Украина ҳарбийларига мурожаат қилиб, улардан қуролларини ташлашни сўради. Шунингдек, Украина шарқида россияпараст сепаратистлар назоратидаги Донецк ва Луганск халқ республикалари раҳбарлари Москвадан ёрдам сўрагани учун Донбассга (Украина) қўшин киритганини маълум қилди.
“Ҳарбий операциянинг мақсади саккиз йил давомида геноцидга учраган одамларни ҳимоя қилишдир. Биз Украинани демилитаризация ва денацификация қилишга интиламиз. НАТО украиналик неонацистларни қўллаб-қувватлайди. Бизнинг ҳаракатларимиз таҳдидлардан ўзимизни ҳимоя қилишдир. Россиянинг режалари Украина ҳудудларини босиб олишни ўз ичига олмайди, биз ҳеч кимга куч билан ҳеч нарсани юкламаймиз”, деган Путин.
Шунингдек, у сиёсати эркинликка асосланганини таъкидлаган ҳамда украин ҳарбийларини қуролларини ташлашга ва курашмасликка чақирган.
“Украина ҳарбий хизматчиларига мурожаат қилмоқчиман: оталаримиз, боболаримиз бугунги кунда халққа қарши хунтага хизмат қилиш учун нацизмга қарши курашмаган. Қуролларингизни ташланг ва сиз тўсиқсиз уйингизга қайтишингиз мумкин. Қон тўкилиши учун барча жавобгарлик Киев режимига юкланади”, деган Путин.
Тасодифий хабарлар
Наманганда “Hyundai” заводи қурилиши қачон бошланиши маълум бўлди
Наманганда товуқларга зарар етказган итни чинорга осиб қўйган ўсмирларга суд ҳукми ўқилди
Бош прокуратура каналдан жасади топилган ўсмир бўйича баёнот берди
Ўликхона музхонасида етти соат ётган мурда «жонланди»
Журналистнинг қонуний фаолиятига тўсқинлик қилганлик учун жиноий жавобгарлик белгиланади