Ғузор туманида яшовчи М.Ш. (блогерлик фаолияти билан шуғулланади) фуқароларга мансабдор танишлари орқали ер майдонларини олиб беришни ваъда қилган.
21 февраль куни у 3 сотих ерни олиб бериш эвазига фуқаро Э.О.дан 7 млн сўмни фирибгарлик йўли билан олган вақтда ИИБ ва Бош прокуратура ҳузуридаги Департамент ходимлари томонидан қўлга олинди. Бу ҳақда вилоят ИИБ хабар берди.
Маълум бўлишича, блогер муқаддам Жиноят кодексининг 25-97-моддаси (қасддан одам ўлдиришга суиқасд қилиш) ва 164-моддаси (босқинчилик) жиноятларини содир этганлик учун суд ҳукми билан 10 йилдан ортиқ муддатда озодликдан маҳрум қилиш жазосини ўтаб чиққан.
Мазкур ҳолат юзасидан фуқаро Ш.Мга нисбатан Жиноят кодексининг 168-моддаси(фирибгарлик), 25-211-моддаси (пора беришга суиқасд қилиш) билан жиноят иши қўзғатилиб, ЖПКнинг 221-моддаси тартибида ушланган.
Ҳозирда Қашқадарё вилояти ИИБ томонидан дастлабки тергов ҳаракатлари олиб борилмоқда.
Тасодифий хабарлар
Наманганда хотини пулини олиб қўяётган эр уни қўрқитиш учун ИИБга ёлғон хабар берди
Фалокатга сабаб эҳтиётсизликми ёхуд қоидабузарлик: Наманганда ҳайдовчи бир аёлнинг умрига зомин бўлди
Навоийлик ота-оналарга қўлланган ноқонуний жазо бекор қилинди
Ҳиндистон ва Франция Украинадаги урушни тугатиш режасини тузмоқда — ОАВ
Президент Шавкат Мирзиёев: Барча ҳокимларни қатъий огоҳлантираман