Товламачилик жиноятини содир этганликда айбланиб, Мисрда қўлга олинган шахс Ўзбекистонга экстрадиция қилинди. Бу ҳақда Ички ишлар вазирлиги хабар берди.
Маълум қилинишича, Интерполнинг Ўзбекистон ва Миср Миллий марказий бюролари ҳамкорлигидаги тезкор тадбирлар натижасида фирибгарлик содир этгани учун халқаро қидирувда бўлган Ўзбекистон фуқароси Миср ҳудудида аниқланиб, қўлга олинган.
Қоҳира ва Тошкент ўртасида тўғридан тўғри авиақатнов мавжуд эмаслиги сабабли уни олиб келиш йўналиши Россия Федерацияси орқали транзит тарзида ташкил этилган. Домодедово халқаро аэропорти орқали тўсиқсиз транзитни таъминлашда Россия Федерацияси Интерпол Миллий марказий бюроси ёрдам кўрсатган.
Экстрадиция қилинган шахс Ўзбекистон Республикасига олиб келингач, мамлакат қонунчилигига мувофиқ жиноий жавобгарликка тортиш учун ваколатли ҳуқуқни муҳофаза қилувчи органларга топширилган.
“Ўтказилган тадбирлар Интерпол йўналиши бўйича халқаро полиция ҳамкорлигининг юксак самарадорлигини ҳамда ҳуқуқни муҳофаза қилувчи органларнинг содир этилган жиноятлар учун жавобгарликнинг муқаррарлиги тамойилига содиқлигини яна бир бор тасдиқлади”, дейилади хабарда.
Тасодифий хабарлар
Севги изҳори учун қамалган эркак саккиз йил ўтиб оқланди
Тошкентда йигит жониворларни шавқатсизларча ўлдирди. ИИББ унинг шахсини аниқлади
Дунёда журналистлар ўлими бўйича рақамлар эълон қилинди
Фитна ва урушга қарши: Қозоғистон фуқаролари тинч митингга чиқишди
Бугундан айрим мактабларда анъанавий ўқиш бошланди