“Наманган шаҳрида ППХ ходимининг автомашинаси ва Жигули иштирокида ЙТҲ” изоҳи билан тарқалган хабар юзасидан ИИБнинг расмий муносабати.

Жорий йилнинг 17 февраль куни соат 02:00ларда, Наманган шаҳар А.Навоий кўчасига хизматга жалб этилган вилоят ИИБ Патруль-пост хизмати ва жамоат тартибини сақлаш бошқармаси бўлинмалари, саф бўлинмалари, патруль-пост хизмати батальони 2-отряд ҳайдовчи-ходими хизмат йўналишида бошқарувида бўлган Нексия-2 русумли хизмат автомашинасида Наманган шаҳар А.Навоий кўчасида ҳаракатланиб кетаётган вақтида Наманган шаҳрида яшовчи 1998 йилда туғилган фуқаро Ваз-2107 жигули автомашинасини тегишли хужжатларсиз бошқариб келиб, ходимнинг бошқарувидаги автомашинанинг орқа қисмига урган.

Натижада ҳар икки автомашина енгил шикастланган.

Ходисада жароҳат олганлар йўқ.

Ҳозирда ҳолат юзасидан текширув ҳаракатлари олиб борилмоқда.