Ҳокимликка совға қилинган квартира лавозимидан кетган амалдорга насиб қилди

Тадбиркорнинг ҳокимликка янги қурилган кўп қаватли уйдан 3 хонали квартира “ҳадя этиши” ва у уй тўппа-тўғри туманнинг собиқ ИИБ бошлиғи ихтиёрига ўтказилишига оид олди-бердиларда “сиздан угина, биздан бугина” қабилида иш тутилган бўлса ажаб эмас.

Чилонзор туманида рўйхатдан ўтган қурувчи компания – “AST LIDER” МЧЖ ўзига тегишли 3 хонали квартирани туман ҳокимлигига совға қилди.

Ал-Хоразмий кўчаси 66/8-уй манзилида жойлашган, янги қурилган кўп қаватли уйдаги квартира майдони – 95 метр квадрат.