Бош прокуратура тузилмасида қурилиш соҳаси бўйича назорат бўлими ташкил этилмоқда

Давлат дастурлари ижроси устидан назоратни кучайтириш бўйича президент қарори қабул қилинди.

Адлия вазирлиги хабарига кўра, қарор билан Бош прокуратура тузилмасида қурилиш соҳасида қонунчилик ижроси устидан назорат бўлими ташкил этилмоқда.

Шунингдек, хатловдан ўтказилган объектларнинг, шу жумладан кадастр рақами ҳамда паспортини ўз ичига олган ягона электрон маълумотлар базасини шакллантириш тизими яратилади. 

2022 йил 1 июнгача таълим, соғлиқни сақлаш, маданият, спорт ва бошқа соҳалар учун янги замонавий идоравий қурилиш нормалари жорий этилади.

Лойиҳалар ташаббускорлари фаолиятида “Бюджет назорати” электрон дастуридан фойдаланиш имконияти яратилади.