Россияда «омикрон» штамми билан касалланиш ҳолати аниқланди

Жанубий Африка Республикасидан келган россиялик икки нафар йўловчида коронавируснинг «омикрон» штамми аниқланди. 

Марказий эпидемиология илмий-тадқиқот институти томонидан ўтказилган ПЦР тести натижасида икки беморда «омикрон» штамми тасдиқланган. Шунингдек, Жанубий Африкадан учиб келган яна 8 кишида ҳам коронавирус аниқланган бўлиб, айни вақтда қайси штаммга тегишлилиги борасида текширув ишлари давом этяпти.

Эслатиб ўтамиз, аввалроқ Жанубий Кореяда ўзбекистонлик фуқарода коронавируснинг янги штамми аниқланганди.